新歌《渴》MV玩估你唔到 应智越同邓月平上演「幻爱」

好歌配上细猫靓声,MV情节又有趣。

ViuTV第一季《全民造星》除咗诞生咗MIRROR及ERROR外,唔少歌手都是《造星》出身,如10强的应智越(细猫)今日就推出第三首歌《渴》。有新歌之余亦有MV,细猫更请嚟《全民造星II》的参赛者包括雨桥、梓豪及陈勇龙等出镜,仲有女主角邓月平(Larine)添。



细猫rap部分用古装说书人look乱入,都几得意。

一开始细猫chok住入场。

MV剧情讲述细猫与朋友落club饮酒消遣,遇上女神邓月平(Larine)。细猫饮到少少醉,又同Larine玩得好开心,之后决定带对方走然后谂住玩得深入啲,不过最后剧情有个大反转,就係细猫离开之后发现拖走嘅唔係邓月平,好悬疑呀。

Larine自己饮紧酒!

两个人终于相遇,互相电吓先。

今次是细猫首次挑战R&B曲风,他感性留言表示:「一直以来都想尝试不同的风格给大家听,但一首歌一个MV背后都有很多人力物力血汗泪。掌声不归于我,而是大家!」又感谢所有帮手的音乐製作单位及拍摄crew。今次MV需要大量演员,谦虚无架子的细猫自然有不少朋友义气出镜,例如《全民造星II》的参赛者雨桥、梓豪及陈勇龙等。《造星I》的一班兄弟亦帮手出post宣传,如Mirror成员Edan就搞笑留言「呢个MV令我重新定义咩叫公器私用」,相信粉丝定兄弟都一定好满意。

Larine太吸引,细猫要回头继续望。

细猫第一首歌叫《约你跳舞》,今次真係约到啦!

Larine呢个眼神点抵挡。

快啲带Larine走啦!

剧情大反转,咦,邓月平呢?

广东资讯

广东视觉

广东热度