【劲靓仔呀】64岁冥寿前夕 日籍摄影师分享哥哥未曝光浴室相

相中42岁嘅哥哥仲係好靓仔。

张国荣(哥哥)于本月12日64岁冥寿,虽然他离开了17年,但歌仔都有得唱「活在妳心内,分开也像同渡过!」一众歌迷并没有因时间沖淡对偶像的思念,对哥哥未曾遗忘!

 

除了哥哥生前所属的环球唱片公司,将于下星期推出从未曝光的《春夏秋冬》版本之外,曾为哥哥拍摄写真集嘅日本影师清永安雄(kiyona kmop)噚日喺社交网站中分享咗5张喺22年前,由他操刀为哥哥拍下嘅型男写真相,kiyona并留言:「22年前,喺张国荣嘅全力配合下,我哋喺澳门一间酒店拍摄咗嘅写真相。」

 

当年清永安雄为哥哥拍摄写真集《ALL ABOUT LESLIE》,而呢5张应该係未曝过光嘅绝密作品。相中嘅哥哥42岁,但风采依然,相当靓仔。身穿黑衫黑裤嘅哥哥喺浴室取景,面带灿烂笑容的他,加埋迷人眼神,简直杀死人。哥哥仲不停换pose,做出自揽、双手握拳等动作,既跳脱又可爱,睇到一众粉丝心心眼,真係乜回忆都返晒嚟,好正呀!

 

迷人眼神,简直杀死人。

不停换pose,既跳脱又可爱。

面对镜头,哥哥相当目然。

当年喺澳门一间酒店取景。

昨日清永安雄喺社交网站中分享咗5张未曝过光嘅哥哥写真相。

去年张国荣忌辰,唐鹤德分享为哥哥撑伞的旧照。

张国荣于1978年首度担正丽的(亚视前身)剧集《浣花洗剑录》男一,未红经已相当靓仔。

哥哥1977年参加丽的电视举办的亚洲歌唱大赛入行。

环球唱片斥重金打造专辑《REVISIT》,重製哥哥生前于环球年代推出的作品,喺哥哥64岁生忌当日面世。

前经理陈淑芬年年都同歌迷去拜祭哥哥,相当有心。

广东资讯

广东视觉

广东热度