拍新歌《乾爹》MV冇底线 关智斌湿身自摸太大胆

关智斌接受主播许文轩专访讲新歌《乾爹》。

关智斌(Kenny)日前作客TVB娱乐新闻台节目《StarTalk》,接受主播许文轩(Edmond)专访,大谈重拾歌手身份推出新歌《乾爹》感受。Kenny説:「今次得到Dear Jane嘅Howie写歌,佢个Demo把声好磁性,唔知关唔关嗰排睇紧《爱的迫降》事,一听只歌已经有韩剧Feel,好有画面。本身今年想造多啲快歌,但听咗之后唔想错过呢次机会,所以即刻要咗首歌。另外有Dear Jane另一成员Tim帮手做监製,喺佢嘅带领下用咗新嘅唱腔,减少咗啲气声,人越大觉得唱歌係用感情表达,而且我又唔係啲技巧型歌手,所以今次录音以Feel行先,想用情感去打动人,唔再以声音嘅Quality而行。」



提到MV题材大胆,Kenny说:「导演有问自己有冇底线,其实畀条裤我都OK,不过我好惊啲人以为我为咗祼露而祼露,但今次MV真係有咁嘅需要,讲都市人好寂寞,玩App识人嘅即食感情。当中有一场喺浴缸自己摸自己嘅戏,拍嘅时候唔觉大胆,因为投入咗个角色,但睇返之后自己都『哗!』一声,原来意识咁大胆,

广东资讯

广东视觉

广东热度