【头条独家】首撰曲词监製向花姐讚好 [email protected]似见家长过关

Ian首次撰写曲词,获监製王双骏在花姐面前讚好,似读书时老师见家长顺利过关。

MIRROR成员Ian(陈卓贤)最近推出第4首单曲《鲸落》,首次包办曲词创作,他笑言得知监製王双骏向花姐讚他写得好,感觉似读书时见家长过关。Ian又构思歌曲MV以动画形式呈现,在疫情下决定利用募集粉丝画作,令粉丝能够一齐参与,而早前出post晒肌,就是趁机答谢fans。本身是周星驰迷的他,又开心自爆将会演出喜剧,试镜时凭住碌地而获得导演垂青。撰文:杜淑霞 摄影:梁志明 形象:Felix Wong ,Daniel chu 髮型:Denny Ku @ Chic Private I Salon 化妆:Rainbow Chung @Annie G. Chan Makeup centre 服装:Hugo、Diesel 场地:The Stadium

Ian首次为歌曲包办曲词,他坦承未交「功课」前一直好怀疑自己作品水準。

讲到即将开拍喜剧,Ian既兴奋又期待。





今次Ian先写好曲,再获得监製王双骏批准亲自写词,他就将自己看到一篇网上文章了解到鲸鱼死后沉落海底,不但成为其他鱼的大餐,更为海床带来很多养分,「鲸落」是牺牲也是成全,就将这份凄美感觉化成歌词。他最初都担心能否顺利过监製一关,「佢冇特别comment话好定唔好,后尾我知道,佢有同花姐讚过我,自己好开心。(好似老师见完家长咁?)直情係咁,因为老师平时唔会点讚人,原来同家长讲几好喎!嗰吓係好开心嘅,好大鼓舞。」

MV加入投射一幕,Ian原本为已改期的MIRROR演唱会舞台效果準备。

Ian为MV募集fans画作,反应相当热烈令他好感动。




写完歌Ian已构思好MV用全动画,就像卡通电影一样,「觉得呢首歌好似几啱,出到嚟好唯美、好凄美咁样。(又难搵到鲸鱼嚟拍?)哈哈!都係嘅,同埋呢首歌太写实唔係太啱个感觉。」因为疫情他更想到邀请粉丝一齐参与,「想同fans一齐去完成个MV,于是就招募大家嘅画作。」由于反应太热烈,收到逾千份画作,虽然MV未能全部用上,他考虑年底MIRROR演唱会时会再想方法用。不过为了答谢fans,他早前激罕在网上晒肌,「见静静哋同大家分享吓啰!」他坦承为新剧《男排女将》,操得比做运动员时线条更fit。




本身好锺意睇喜剧的Ian,又自爆将会首次拍喜剧,角色同自己一样爱挑战新事物,「我係负责古露精怪碌晒地嗰啲嚟,导演话点解拣我,因为我casting嗰时,有一幕我冲入去就直接碌地,导演就话睇你个样估唔到你会做啲咁嘅嘢,所以你应该可以做到呢个角色。佢同我对紧戏时,已经问我『你係咪好锺意睇周星驰』我话係,所以佢觉得我做呢个角色应该OK,所以拣咗我演呢套戏啰!」他又解释私底下有搞笑一面,「我私底下同啲朋友相处,譬如同MIRROR啲兄弟倾偈,其实我都係搞笑居多嘅,唔係大家睇到我唔出声好静。」

为答谢粉丝支持,Ian早前突然在网上晒爆肌相。

Ian出道以来,一直深得粉丝支持及爱戴。

广东资讯

广东视觉

广东热度