《圣荷西谋杀案》海报条颈被笑太长 阿Sa鬼马整片自嘲以长颈鹿

阿Sa其实本人条颈又边有长颈鹿咁长呀!

阿Sa蔡卓妍跟郑秀文(Sammi)和佟大为合演的电影《圣荷西谋杀案》,终于铁定9月25日(星期五)上映,由于电影已拍完差不多3年,加上近排疫情关係困喺屋企太耐,所以阿Sa收到消息特别兴奋,仲话好希望入去戏院睇戏。而为咗配合电影上映,终极海报亦曝光,海报以淡粉红色为主调,Sammi、阿Sa与佟大为置身于艳丽的带刺玫瑰丛中,潜藏各人的爱恨交缠。虽然海报美感十足,不过亦有网友错重点,竟然发现阿Sa条颈好似比平时长咗啲,鬼马嘅阿Sa知道后,即时幽自己一默,喺ig限时动态,自製片段笑自己似长颈鹿,仲专登将自己条颈整长啲,再写住:「再长啲又得!得咗!」真係好搞笑!

阿Sa攞出原图同海报作对比。

阿Sa自製片段,仲写住:「再长啲又得!得咗!」

戏中阿Sa有不少内心戏。

阿Sa跟 Sammi戏中有好多对手戏份。

广东资讯

广东视觉

广东热度