处男执导《孤独病》MV 姜涛越级挑战「一take过」拍摄

《孤独病》MV将于明晚八点在Mirror YouTube Channel 首播。

参加第一季ViuTV真人骚《全民造星》夺冠爆红的「姜B」姜涛,第5首个人单曲《孤独病》今日正式派台,而MV就听日见街。由于姜涛正身处台湾拍剧,暂时未能回港宣传新歌。不过唔紧要,虽然姜B人在台湾,但日日都可以喺香港见到姜涛个名,正所谓「姜涛不红,天理不容」。讲返MV,接job接唔停嘅姜B今次仲跨界别首次做埋MV导演,自导自演仲未算劲,佢更挑战高难度「一shot落」拍摄,「姜糖」们是咪睇字已经想大叫?

MV以姜涛为中心出发,利用spotlight营造孤独感。

姜涛首次执导MV,自言最好玩係可以坐喺导演位掌控成个MV拍摄过程。

《孤独病》由林奕匡作曲、陈咏谦填词,讲述一个人孤苦无依的内心世界。歌曲以孤独为主题,而姜涛脑海一直有个画面与歌曲的主题匹配,他说:「好耐以前脑海就有一个画面,有一个spotlight打落嚟照住我一个,好反映到我内心嘅画面,但一直揾唔到合适嘅歌曲呈现出嚟,今次遇上《孤独病》,係一个好好嘅机会去用呢个idea,所以我就同花姐讲,可唔可以畀我参与拍摄MV嘅过程。」然后姜涛就顺理成章成为《孤独病》MV的导演。

MV发相可见Spotlight打在穿起黑色西装的姜涛身上,一众姜糖应该有排J。

姜涛脑海一直有一个画面想在MV呈现,故跟经理人花姐自荐参与MV製作。

早前在拍摄《蒙着嘴说爱你》MV时,当时的导演袁剑伟已想过为姜涛拍摄「一take过」的MV,但最后种种原因改变拍摄方法。今次姜涛终于得偿所愿,并首度担任MV导演,被问到这次MV拍摄最好玩的地方是甚么?姜涛笑言:「最好玩係可以坐喺导演位掌控成个MV,呈现喺你心目中嗰个样,可能开头唔似你想要嘅嘢,但係慢慢就成形,呢个係最过瘾嘅地方。」讲到最难忘的事情,姜涛表示是与工作人员之间的沟通,他说:「好多嘢唔符合你嘅画面,你要慢慢同大家沟通,先可以做到你心目中想要嘅画面,呢样嘢睇落去好似好容易,但其实任何一支MV或影片,你哋睇到1秒嘅shot,都要好多工作人员配合先可以完成,加上今次係1 shot过,更加需要大家配合,所以都NG咗好多次。」





对于自己首次执导的表现,姜涛坦言未做到最好,他说:「我已经尽咗力,拍咗我心目中想要嘅嘢,当然理想同现实有一定嘅差距,但自己已经满意,希望可以将成品分享畀大家。因为要见得人,係要过一个好高嘅关卡,所以过到自己,即使成品未係100分,都希望大家睇到都会有『wow!』嘅感觉。」姜涛明言,有机会的话,希望能再次执导,拍一首跳唱歌的MV。

《蒙着嘴说爱你》MV中,姜涛身处多个萤幕中跳唱。

姜涛现于台湾拍摄由ViuTV出品,台湾八大电视发行的新剧《超感应学园》。

广东资讯

广东视觉

广东热度