【头条独家】返港密密开工好开心 乔宝宝开到口恨拍ViuTV剧集

乔宝宝在独立电影《我男友係好差》中的家人,全部係印度人,陈欣妍演囝囝女友。

乔宝宝难顶戏瘾,月前由苏格兰返港拍电影《时代》,紧接拍另一部中印独立电影《我男友係好差》,之后还会接拍一套鬼片。虽然喺疫情下减薪两成,但密食当三番,宝宝都好开心,佢仲有个愿望就係拍到ViuTV剧集,甚至做吓佢最拿手嘅综艺、旅游节目,ViuTV高层睇到呢篇报道就考虑吓啦!採访:方骞平


片中加入南印度家庭色彩,乔宝宝、陈欣妍等要用手拎饭食。

剧情讲儿子受伤入院,乔宝宝和家人,儿子好友岑珈其到达急症室。

返港期间日日有工开,乔宝宝心情大靓,不过,採访当日宝宝要调整心情,以一个沉重mood拍一场颓废囝囝(南亚裔演员成家宏)炒车受伤入院嘅戏,由于伤及囝囝女友(陈欣妍饰),未来亲家杨卓娜去求乔宝宝拆散鸳鸯,饰演成家宏好友嘅岑珈其就加以安慰。




乔宝宝大讚近年ViuTV剧集有创意,亦有留意岑珈其作品。

岑珈其求婚成功,预计今年11月同拍拖5年的圈外女友结婚。

用手食饭唔习惯
独立电影讲述一个中国籍少女同印度男孩喺香港发生嘅爱情故事,并带出香港及印度独有文化。因为故事背景发生係南印度家庭,当地习俗要用手去食饭,有场戏要徒手食咖哩饭,宝宝食到手指甲边都变咗黄色。问到喺疫情下要用手食饭会否唔太卫生?宝宝即解释:「我哋有洗手,而且镜头有迁就,虽然我都有少少唔习惯,不过戏中老婆同新抱就食得津津有味。」

另外,刚求婚成功嘅岑珈其由屯门扑去新蒲岗,只係拍咗几个Shot就收工,他表示疫情下最紧要有工开,搵得几多老婆本就搵几多。而杨卓娜知道姨甥女「小珍珠」出现厌奶期,她叮嘱杨怡唔使过度紧张,可能吹冷气太多引致肠胃不适,建议阿怡用熟鸡蛋加银戒指帮BB碌吓头、颈、肚,有助小朋友血气运行。

杨卓娜去医院求乔宝宝,唔好再畀颓废儿子同佢个女拍拖。

乔宝宝大讚陈欣妍係个相当勤力演员,听教听话。

广东资讯

广东视觉

广东热度