网上向林宥嘉自荐促成合作  林家谦自爆写歌专登「阴」JW

林家谦在节目中透露跟林宥嘉和JW的合作关係。

J2《我们的音乐时代》新一集主持许文轩(Edmond)邀请林家谦及JW(王灏儿)任嘉宾,JW与林家谦关係密切,由家谦作曲,JW主唱的《矛盾一生》更成为二人最广泛播放的歌曲。家谦笑说:「当时谂如果呢首歌可以卖畀天王天后梗係好啦!」JW即时起哄说:「唉!死啦!要卖畀JW,佢Dup咗!你使唔使Google下我係边个?」家谦再说:「知道JW要咗,冇特别大嘅Expectation,因为佢嗰时静咗排,加上又收得太埋,我真係要Google下JW个样㗎!最后首歌跑出,但呢个三部曲头两首都係一早作咗之后卖畀佢,但最后一首嘅《自由飞翔》係度身订做,专登阴JW。」JW即说:「首歌真係好难唱,半度半度转Key,真係录咗好耐。」



节目中,林家谦亦分享他与台湾歌手林宥嘉的关係,「写歌畀林宥嘉係因为佢係我偶像,我喺社交平台Send咗Demo畀佢,好似见工Send CV咁,你唔会谂住间间都覆你,但佢真係覆咗,好记得当时我喺湾仔食紧一碗麻辣米线,收到佢Message果下想喷出嚟。」而林宥嘉亦现身节目,「我本身唔识佢,收到Demo之后,觉得佢好畀心机写歌,把声好温柔,旋律有一种拿住拿住嘅感觉,所以我回覆佢想同佢合作。」家谦亦有提到林宥嘉第一首广东作品《坏与更坏》亦出自他手笔,「首歌出前几日我先知道係广东歌,写嘅时候谂住两个对象,一个係林宥嘉,另外一个係陈奕迅,因为佢哋两个把声有个共通点,就係有一种好自然,直接由心唱出嚟嘅感觉,我就用咗呢个声线嘅方向去写。最后首歌林宥嘉唱,而其中一位监製係陈奕迅,实在好惊喜,好梦幻,因为两个对象都喺同一首歌入面出现。」

JW和林家谦接受主持许文轩访问。

林家谦自爆向偶像林宥嘉自荐作品而促成合作。

林宥嘉表示收到Demo后觉得林家谦好畀心机写歌而回覆对方。

林家谦一次过跟陈奕迅和林宥嘉合作觉得好梦幻。

广东资讯

广东视觉

广东热度