【有仙气】转公司出新歌露「线头」  谢文欣着背心裙浸日光浴

28岁嘅谢文欣为新歌MV,喺野外浸日光浴时微露线头。

今年刚转投新公司嘅谢文欣(Ally)频频曝光,年头就凭一首《偶像传奇》已经先拔头筹得到「优秀选金曲奖」,仲时不时拍片强攻YouTube,因而同Mirror成员Anson Kong传出绯闻,相隔无耐再邀请伍乐城班底度身打造新歌《不痛不快》,唱尽少女心事。

 

新歌MV邀得Viu剧《教束》靓仔会长唐浩然(Jacky)担任男主角,Ally同导演更大讚佢嘅气质同形象好适合MV氛围,而且非常专业,Jacky为求有更好嘅视觉效果,自己设计一连串动作同走位,令到件事更有感觉亦流畅,拍摄非常顺利。

 

Ally表示当中有一幕最难忘场景,係喺郊外拍浸浴shot,佢仲献出第一次係咁多人面前浸浴,笑言「好彩有着衫」。虽然天公造美,但由于烈日当空下拍摄,Ally不敌猛烈太阳,搽咗防晒都令皮肤明显变深,手臂位仲晒伤红晒,几日之后就开始甩皮,为咗最靓嘅效果,已经付出唔少代价。

谢文欣邀请伍乐城班底度身打造新歌《不痛不快》,唱尽少女心事。

有靓仔唐浩然陪拍,谢文欣不愁寂寞。

长腿谢文欣喺《姊妹淘》节目中讲解化妆心得。

唐浩然有唔少粉丝追捧。

唐浩然喺剧集《教束》表现突出,Jacky凭高颜值嘅外貌人气急升,成功弹起。

广东资讯

广东视觉

广东热度