【男人闹交】王贻兴斥消费死者冇家教 林作反击对方係小人专抽水

林作与王贻兴隔空骂战,战况好激烈。

即使转投保险业界,一向语不惊人誓不休的林作仍不忘博取关注,早前的「4万5西装论」已经引起网民声讨。昨日林作又在个人社交平台发表出位言论,引用电影《黑豹》男主角Chadwick Boseman的死讯卖保险,表示:「45岁就大肠癌过身。疾病无从预测。一定要早啲check。check之前,记得搵林作保险。」贴文发布后,马上引来大量网民不满,指责他消费死者。林作坚称自己冇做错与网民引发骂战。连王贻兴亦睇唔过眼加入「战团」,斥责林作消费死者行销冇道德底线,又指他冇家教,丢晒令寿堂架。

林作早前自称「西装达人」并大哂名贵西装,被时装编辑狠批衣不称身。

林作闹王贻兴都好重手,话佢小人又话佢冇料,王生睇完应该会嬲猪。

王贻兴闹得咁狠,林作今日即在社交网站连出两posts还击,直斥王贻兴抽水,又指数年前已被对方将私人对话内容摆上网,炮轰他是小人!他又写道:「最不要得的是,佢最新攻击我的post里面一个hashtag讲到听闻我妈妈借财仔俾钱我沟女,呢种毫无事实根据嘅言论,其实对我而言唔叫诽谤中伤我真係唔知係咩。我保留一切追究权利,虽然学我老母话斋:识佢老鼠(妈妈私底下真实对白)。」又引用网友inbox message,暗指王贻兴写文能力一般。双方火药味十足,未知这场「爆料战」会持续多久呢?

林作公开网民inbox对话,借网民之力劲寸王贻兴写作能力一般。

畀人闹完消费《黑豹》男星Chadwick Boseman,林作冇收敛,仲消费埋之前因直昇机意外身亡的球星高比拜仁(Kobe Bryant)。

王贻兴IG出post斥林作病毒行销冇底线,又指佢冇家教,丢晒令寿堂架,啲火烧到几层楼咁高。

广东资讯

广东视觉

广东热度