【头条独家】疫情下街头拍打戏碌落地陈展鹏拍到虚脱要饮酒放鬆

陈展鹏喺疫情下,喺街头拍打戏。

之前陈展鹏为拍TVB新剧《超能使者》一场冲突戏,喺西贡街头同郭子豪大打出手,展鹏更被郭子豪推埋墙边,仲打到碌晒落地。为咗头家,展鹏自言会撑到底,最多返到屋企大清洗先抱个女小猪比。就算早前爆发娱乐圈感染群组,展鹏都只係带齐消毒用品返工,如常开厂,冇有怕!採访:方骞平 李维隆

陈展鹏打完交拔足而逃。

展鹏同郭子豪打到碌落地,所以返归后要彻底大清洗先可以抱小猪比。

在新剧中陈展鹏演小人物角色,因为一事无成,好惊「女神老婆」刘佩玥会红杏出墙而变得好自卑,所以就去质问郭子豪,两人先口角继而动粗,展鹏被郭子豪推埋墙仲踢多脚,两人打到落地扭作一团,打完交后,展鹏拔足狂跑逃离现场:「为咗动作流畅,我冇加垫,有时大家讲信任,又唔係危险动作,因为要出7成力,少少真打先真实,所以我只耳仔擦损咗少少,重要部位都俾对方只脚趾『啄』到,冇事嘅,最多咪瘀咗,又唔係断咗。」


郭子豪将展鹏推埋墙,打得好逼真㗎!

打完一轮,两人唞一唞,饮枝冻饮消暑。

精神好攰要出厂唞气
拍外景当日又晒又焗,展鹏着长袖衫拍打交戏都几辛苦,而为咗展现頽废样,展鹏冇化妆,只有少少遮瑕。展鹏透露拍新剧最辛苦反而係精神上:「拍呢啲角色真係好攰,因为太入戏,有场戏要出厂透气,好想『逃学』唔拍,但咁大个人唔可能咁做,连老婆睇完剧本都讚我劲,因为个角色真係好难走得返出嚟,所以嗰日我同子豪打完交,面青口唇白,有虚脱感觉,返到屋企仲感觉有嘢,就算凌晨4点都要饮啲酒嚟放鬆。」展鹏有感而发,「年轻时演戏未必咁到肉,家阵明白李司棋所讲,拍喊戏只可以一take过,因为係用真感情去拍,唔係小朋友扭计喊,拍完会好攰。」

展鹏打到成身汗,郭子豪就要加护垫喺手臂。

之前疫情缓和,唔使开工嘅日子,展鹏同囡囡亲子乐。

早前爆发娱乐圈感染群组,展鹏带埋3分钟消毒神器返工,消毒随身物品。

广东资讯

广东视觉

广东热度