【头条独家】盼为周志文刘佩玥作结婚歌 翟威廉强调自己唔係有钱仔

周志康、翟威廉及周志文(右)为 Happy Live出钱又出力。

由翟威廉(William)、周志文及周志康创办嘅网上音乐直播节目Happy Live 成立3周年,终于推出首支单曲《不是富二代》。虽然开铺卖日本清酒,但William强调自己唔係有钱仔,他大笑说:「戏内我就係富二代,所以我冇遇过为钱而埋身嘅港女。」另他希望下次可以作一首甜爆结婚歌畀周志文及刘佩玥。採访:方骞平 化妆:Christy Lam 髮型:Ken Yong 服装:County of Milan 场地:浪潮音乐室


MV加埋创作使费,新歌至少投资咗6位数字,三人话做歌真係好贵,感激多位朋友「拍膊头」演出,碌尽人情卡。

三人当然有现身MV。

Happy Live首支单曲《不是富二代》由翟威廉一手包办曲词,周志文及周志康主唱。William为处男作创作咗唔同嘅版本,笑言次次咁做就会蚀大本,他预告Happy Live新歌会陆续有来。至于下首歌会否安排周志文跟刘佩玥情侣合唱?周志文表示可以尝试吓,问到係咪想唱Sweet爆情歌?他笑住反问:「唔知作曲人有冇咁Sweet嘅心态喎。」翟威廉被质疑即笑问:「係咪苦命鸳鸯?落难情侣!定係结婚进行曲?咁我尽量想像吓...」





Happy Live做直播做到喺TVB节目中演出。

拖友周志文和刘佩玥经常开Live合唱,好有默契。

冇父荫勿灰心

讲到创作新歌概念,翟威廉透露富二代除咗金钱,亦代表咗特权及地位,「有啲人天生冇呢啲天赋本钱,所以首歌係唱畀输喺起跑线嘅人听,包括我哋三个,帮大家打打气。」周志康就话就算冇父荫都唔使自怨自艾,做人要争气。周志文说:「呢首歌用嚟回馈Fans,始终Happy Live做咗直播3年,都係唱人哋嘅歌,威廉好犀利,本来唔识作曲、填词,但佢用咗好短时间发挥异能。」

讲到翟威廉投资六位数开铺卖清酒,周志康即代William澄清非有钱仔:「大家眼中嘅威廉係香港先生,又官仔骨骨,有才能,周身刀,大家以为佢係有钱仔,原来唔係!」翟威廉即说:「身边朋友识咗咁多年,点会唔知对方咩底蕴呀?啲女仔一埋身就知我係流嘢,对我唔会有期望,如果第一次约会都冇弹开呢,一定係真爱,不过,唔排除有啲为咗收兵嘅!」

今年父亲节,翟威廉有份投资的日本清酒新铺开张。

广东资讯

广东视觉

广东热度