【头条独家】确诊影响到身边人冇内疚 邓达智强调係社区爆发问题

(右)等入医院,独自闭关喺屋企,唔似病人嘅邓达智仲识笑,(左)点知留院第二晚,打针后副作用令William开始发烧。

62岁时装设计师邓达智(William)上周初步确诊新冠肺炎,喺潜伏期内跟他有密切接触嘅陈梓欣(Clemen)医生、家佣印尼姐姐及两位朋友都要入住骏洋邨隔离,William强调:「今次染病唔係我嘅问题,係关乎成个社区爆发,我已经好小心,一有病徵即搵医生,冇周围播毒,所以唔存在有歉意。」採访:方骞平

William的另一半陈医生已入住隔离营!

潜伏期内,William去咗网台宣传新书,所有接触过嘅人都要做检测。

等咗4日3夜至周二晚上十时,确诊了的邓达智终被安排入联合医院,但入院后,被安排与「自私」病患者同房,搞到他要求救:「帮我、救我⋯⋯;联合医院 13楼B 19床 林先生,不断咳嗽,兼经常不戴口罩,已投诉过,却执行不力,不戴口罩依然故我。20号床的我,同时发烧、发冷,非常辛苦!」邓达智原本入院时病徵轻微,只有头痛和少许声沙,但现在病况严重了之余,从相中所见,皮肤也出了问题,他留言指脚的皮肤颜色也起了变化,「红红白白,变晒色!」

邓达智入院后,指自己的脚嘅肤色「红红白白,变晒色」。

William约会黄淑仪同徐小凤是潜伏期前,所以冇影响到两位老友。

等四日入院冇埋怨
因为今次确诊影响到身边人,问他会否感到抱歉?William理直气壮说唔会:「因为唔係我曳,搞到有病嘛!呢个係社区爆发,係成个社会嘅事,点解第三波爆发得咁紧要?可惜政府从来冇了解过乜事啰!咁讲真,政府都唔想嘅,大家都有抗疫疲劳,6月尾时疫情缓和,大家紧张咗成半年,有咁嘅机遇边个唔会鬆懈?都唔可以怪人,但中间发生乜事要调查吓。所以就算我等咗4日入唔到医院都唔会埋怨任何人,我知道我情况ok可以等啰,留返畀更严重、更加需要牀位嘅老人家。」

经此一役,问到可有增进和伴侣间感情?他笑说:「要过咗个困难,先知道係一个乜嘢嘅考验。我有天各一方嘅感觉;但陈医生对惯病人生与死,佢好理性,觉得有啲嘢要发生,咪按住程序去做好佢,希望将伤害减到最低,唔使用感性嘢嚟解释,唔会嘘寒问暖。」

因为打乱计划,William喺屋企随心煲吓剧,为新书签吓名。

平日William相当小心做好防疫。

William平日喺屋企食得好简单。

本月16日曾跟刘天兰做港台节目,好彩刘天兰冇事。

广东资讯

广东视觉

广东热度