【头条独家】移民苏格兰前再落区派口罩 乔宝宝百厌撩阿婆

飞返苏格兰「交人」前,日前乔宝宝最后一次落区派口罩及福袋,宝宝口花花话要左拥右抱老友记,两人又跟过百岁长者合照,笑言两人加埋都未够100岁。

印度裔艺人乔宝宝铁定本月尾飞返苏格兰「交人」,日前最后一次落区派口罩及福袋,临别依依,宝宝虽然唔捨得到失眠,但做起善事劲精神爽利,仲口花花撩阿婆,贯彻搞鬼本色。採访:方骞平


杨玉梅喺《法证IV》中的演技获讚。

宝宝退租前将租了多年的屋企大清洁先交还,希望身体力行,等业主唔好怕租屋畀南亚人。

乔宝宝坚持帮返香港「屋企人」做啲嘢,唔觉得派口罩要攞返个Credit,所以做得轻鬆自在。日前他跟杨玉梅(士多啤梨)去到尖沙咀坊会松柏邻舍活动中心派口罩及福袋畀长者,之后仲上埋去附近唐楼亲自派畀唔方便上落嘅老人家。其间乔宝宝不忘发挥搞笑本色撩阿婆,笑言要抱住「两件」嚟影合照先!又追问:「你哋锺唔锺意食咖哩呀?」又提公公婆婆唔好当豉油係红酒!还叮嘱大家睇多啲乔宝宝,阿公阿婆会身体好,惹来全场欢笑声。

杨玉梅错失几次机会,今次终于可以同金牌监製梅小青合作,所以劲兴奋。

宝宝日内返英国交人,杨玉梅提他喺隔离期要禁慾。

杨玉梅提宝宝禁慾
上到唐楼,宝宝派完福袋又问85岁独居婆婆:「你记唔记得我呀?印度刘德华呀?」婆婆竟然话唔知,因为她经已91岁,宝宝就搞笑回应:「哈!真係唔似91,我仲以为你得90岁啫。」呢几日不停有朋友请宝宝食饭饯行,提到英国疫情都好严重,乔宝宝飞前紧贴事态发展:「阿囝叫我返到嚟要自我隔离,唔好搵阿妈住,但对住老婆就唔怕。」杨玉梅取笑他要禁慾,提他要同老婆分房瞓,唔淮掂、唔可咀:「嗱!你乖乖地,食『饱』先返去,唔好『饿』住走。」乔宝宝尴尬话:「呢两个礼拜冇得『行埋』!我都知老婆『饿』咗好耐,疫情关係冇办法,大家都要隔住口罩锡锡。」士多啤梨又追问他,咁香港「阿3」、「阿4」等点处置,捨得咩?宝宝笑住回答:「印度人一夫一妻制,但女性朋友係唔计!」另外,杨玉梅喺《法证先锋IV》中饰演虎妈获讚,连她都睇到心寒,但最开心可以搭到「尾班车」同梅小青合作。

广东资讯

广东视觉

广东热度